 |
|
|
|
||
 今日網上見FIGMA巡音出咗~ 重只賣$199! 咁唯有又出SSP撲~ 去到時亦一如所料已賣清光... 心灰意冷之下去買返隻MOUSE~ 又咁啱俾我見到SATURN版隻SOUL HACKER~ 即買返黎收藏用~ 想當年呢隻GAME係我中學時用咗一個禮拜不眠不休黎打爆既~ 亦係女神轉生系列中第一隻爆到機既~ 所以相當之有記念價值~ 可惜隨住PERSONA系列的興起~ 惡魔召喚師系列已成過去的遺物~ 而所謂既續作葛葉雷道系列我覺得似外傳所以不太受落~ 希望重會有惡魔召喚師既正統新作推出啦!
發佈者：
NikeGW
標籤：
敗家
 現今D扭旦真係越黎越正~ 繼前日扭咗四隻火柴人後~ 又網上見到出咗隻單反扭旦~ 一見就中晒招~ 但拎上手就覺得好大件~ 完全揾唔到啱SIZE既公仔拎~ 所以就拍埋四隻砌好既火柴人影算~ 遲吓再諗諗件旦有咩用得着~
發佈者：
NikeGW
標籤：
敗家
 期待以久既COD7終於出咗~ 放工後即出MK撲返隻~ 之後玩咗一晚MULTI PLAY~ 暫時感覺普普通通~ 無咗玩上代時爽快感~ 未知係咪COD MW2呢面牆太高~ 相比之下呢代評分只能俾一般... 希望STORY MODE同喪屍MODE可以拉高返D評分~ 由於曾經為秋之回憶既FANS~ 所以今次係360上出既第一隻中文版點都要支持吓~ 又希望今次隻特別版無好似HALO REACH咁高速插水... 至於隻幫FRDS買既HALO REACH特別插水版... 見到個價都唔知講乜好~ 發售不足2個月就已經插咗足足62%! 尤其隻特別版插得又急又狠... 明明隻GAME做得尚算不錯~ 完全唔明點解可以死得咁快?! 總之今年要一出即買既GAME已買完~ 等下D GAME插得再深D先出手算~ 反而今次最有驚喜既係D扭旦火柴人~ 5蚊雞但高可動性所以非常之抵玩!
發佈者：
NikeGW
標籤：
敗家
       繼上年睇咗黃子華既嘩眾取寵後~ 今年決定繼續用貴飛助養子華既! 而基於上年既失敗所以今次拎枝炮黎影佢~ 當初以為部爛機ISO堆唔得高會影唔到~ 點知開SHOW時長期有3盞燈射住佢~ 反而要降ISO縮光圈先影到! 但今次由伊館升呢為紅館~ 坐位同舞台相對上既距離遠咗D~ 攪到我枝200有D唔夠用~ 應該用300至400比較好~ 不過~睇棟篤笑都係專心欣賞比較好~ 一邊睇一邊影相投入感會低咗... 襯佢唱歌時影相就OK啦! P.S. 開場前去觀塘食咖哩果間野相當不錯~下次可以再去! |
My 360 Game Tag
My PS3 Game Tag
Blog內搜尋
|
||||
