2012年度最後一次拍攝當然要影返D重量級產品~
就係魔法少女小圓終極型態!又俗稱圓神~
不愧為本年度最高銷量產品~
由外型到份量都係一流既~
樣辦同實物可以話係無分別~
整體近乎完美!
不枉其高達14800 YEN既價格~
唯一既問題既係實物做得太精細~
好似把玩時要留意吓髮尾呢D尖位~
而且安裝右邊塊翼絕對要小心~
由於其附送魔法陣海報未返貨~
因此改用內盒做背景~
估唔到出黎效果都唔錯~
反而係自已唔小心以致背景有穿崩位...
發佈者：
NikeGW
標籤：
攝影
2012年度最後一次拍攝當然要影返D重量級產品~
就係魔法少女小圓終極型態!又俗稱圓神~
不愧為本年度最高銷量產品~
由外型到份量都係一流既~
樣辦同實物可以話係無分別~
整體近乎完美!
不枉其高達14800 YEN既價格~
唯一既問題既係實物做得太精細~
好似把玩時要留意吓髮尾呢D尖位~
而且安裝右邊塊翼絕對要小心~
由於其附送魔法陣海報未返貨~
因此改用內盒做背景~
估唔到出黎效果都唔錯~
反而係自已唔小心以致背景有穿崩位...
首先BOXING DAY當然要拆禮物!
咁啱之前預訂咗既Q版SABER ZERO VER到貨~
同時見有舖將隻Q版KUMA做特價~
咁樣PERSONA 4 D產品既價格真係全面失守...
睇黎隻KUMA亦會係P4呢條LINE最後既產品~
重諗住至少會出齊D女角添~
睇吓遲D會唔會改用P4A既名義出埋落去~
之後就係本年度重頭作圓神PVC!
估唔到重趕得切係今年內推出~
當日收到電話即刻仆出去拎貨~
其外箱之大完全係阻人行路~
所以拎完貨就只好返歸去也~
發佈者：
NikeGW
標籤：
敗家
呢期總算有返D空閒可以開檀影相~
首先ALTER隻面麻實物係非常掂!
基本上大貨同樣辦相差無幾~
人物整體簡潔而面相不俗~
但廠商絕對有花過心思係上面~
人物內有磁石方便固定係座上~
而個座絕對係其精粹所在~
跟返原著分開兩層~
再加上記事本同雨傘呢兩件配件~
完美還原出秘密基地既一角!
相比之下隻泳裝泰莎反而令人失望...
上色一般膠料較差~
枝P90精細度又不足~
而且左手分模線尚未去除~
加上賣家應該係存放手法不善~
其背部竟然發咗霉...
不過此乃奸笑社6年前出品~
亦係該社第2隻產品~
因此以上缺點情有可原~
始終泰莎既產品實在太少啦!
而最重要係本人只係用咗120蚊買佢返黎~
發佈者：
NikeGW
標籤：
攝影
當日九龍灣國際展貿中心又有玩具死貨場~
本人當然要去掃吓貨~
同上次一樣賣抵玩既新貨只得2檔~
不過已足夠令本人破產...
首先係Q版殲滅天使蕾恩~
既然之前入得艾絲蒂爾當然要入埋啦!
所以見有好價就唔等插水啦~
之後見MS GIRL GP03比街價平咗D又忍唔住入埋~
順手掃咗2枝1:6既二戰步槍~
平平地拎黎比士官長玩都OK~
見隻最後之作先廿蚊即掃~
至於隻邪動王係幫FRD買既~
最後隻GAME就係SSP見插水價咪買黎儲~
發佈者：
NikeGW
標籤：
敗家
本人收藏既迷你烏賊娘再增添5名猛將!
事緣放工出MK見到套特價迷你烏賊娘~
見5隻先100蚊咁平當然咪執輸~
雖然只係TAITO出既景品~
用料並無PHAT出既咁靚~
不過質數都唔差~
而且廿蚊隻直情係平靚正啦!
發佈者：
NikeGW
標籤：
敗家
當日一班FRD走去咗珠海同澳門玩足2日1夜~
由於途中一直無咩啱心水既野好買~
最後唯有係機舖開咗張初音IC CARD留為記念~
順手打咗2舖初音街機~
畫面比起PS3版更靚~
不過5蚊先玩得2首歌~
重要再儲POINT換衫~
計落條數實在好大獲...
都係專心等PS3版初音算~
至於隻Q版圓神盒旦就之前託FRD BID既~
搞咗咁耐終於成功BID到隻返黎~
咁就可以安心等圓神PVC出啦!
發佈者：
NikeGW
標籤：
敗家
早排樂天有免運費既優惠~
見到入面D二手GAME實在太平~
最後拜托個FRD幫本人上網購買~
而今日終於送到啦!
總共20隻GAME+1隻盒旦~
埋單成千二蚊~
不過計落平均一隻先60蚊度~
其中重包括3隻限定版同一隻全新GAME!
當中舊至GB~新至XBOX360都有~
都係以機戰為主~外加一堆平價GAME~
除個別GAME比較舊(新機戰爛盒...)~
基本上都有7~8成新~
尤其當中果3隻限定版比想像中更好~
雖然外盒得返7成新~
但入面既特典都係全新既~真係抵玩到爆!
亦因此本人PS及PS2時代既怨念GAME總算清咗一半...
發佈者：
NikeGW
標籤：
敗家
由於第3次拍賣失敗~
出去見賊船9折完個價算OK~
就入咗Q版奈亞子同FIGMA SABER ZERO VER~
順便入定隻鍊金術士愛夏既特典~
咁就可以安心等隻GAME插水啦~
第日連最後一件拍賣都無埋~
心有不甘下加上受人所託~
又再出MK掃貨~
先代FRD入咗隻面麻PVC~
之後入隻YAMATO既可動環姐~
本人既可動環姐數量亦因此上升至第4隻!
最後為特典而入埋第2次機戰OG~
總結呢2日入既貨都明顯重有下調空間~
不過鬼叫呢排條氣唔順咩~
想要乜就無乜...
發佈者：
NikeGW
標籤：
敗家
附近有間玩具舖既分店新開張~
放工去睇吓咩環境到時見到有SHF秋葉紅~
雖然叫非公認戰隊~
但不論套片同玩具都超有HEART~
雖則D玩具下場超慘淡...
而今次隻秋葉紅配件唔多~
因為D武器係其他公認既身上...
不過其質素非常好~
可動性高而還原度亦高~
比起之前入既SHF W同OOO都好玩得多~
同時見到FW鐵球賣正價~
由於早前買貴咗因此要買多盒溝淡佢~
因此成立鐵球小隊+1~
發佈者：
NikeGW
標籤：
敗家
TYPE MOON 10週年紀念電鍍版SABER~
俗稱銀閃閃!
即係將2年前推出既Q版超可動SABER加上電鍍而成!
起初並無打算買~
因為限定野起碼12算以上...
不過今次有FRD組團網購~
計落只需11算左右~
身為SABER FANS既本人自然都係走唔甩~
要買隻返黎聞盒...
不過今次比起出面現貨價14算平咗成舊水~
算俾返D安慰本人~
發佈者：
NikeGW
標籤：
敗家
今次入手既係SR超合金大獸神!
即係恐龍戰隊既機械人~
亦係美版POWER RANGERS既第一代機械人~
由於自小唔多點睇戰隊片~
係近期先有睇晒全套非公認戰隊~
另外就係得呢套恐龍戰隊有D印像~
不過果時就諗明明劇中機械人既有型又可動~
但賣既玩具就完全兩回事~
除咗可以變型合體同SIZE夠大外一無是處~
估唔到近廿年後笨大會出番隻還原度咁高既大獸神~
雖然同D人講既一樣都係有大細眼呢個問題~
不過呢D小缺點唔會影響到其好玩度!
發佈者：
NikeGW
標籤：
敗家
早2日入唔到命運石之門中文版~
所以就入咗命運石之門比翼雙飛的戀人~
無他既~鬼叫隻GAME咁平~
限定版先2舊水有找!
由於PSV隻COD被人評為非常不濟~
因此決定等佢插水~
見三國無雙NEXT隻日文版大平賣~
入黎頂返COD既期都好~
玩落一如DEMO咁都算爽快~
係要用TOUCH SCEEEN果PART幾多餘咁~
玩落都叫值回票價~
不過白金就應該幾難拎吓...
發佈者：
NikeGW
標籤：
敗家
當日打算出去買命運石之門中文版~
點知出到去只有PS3版賣~
而且限定版亦超出預算~
後來先知360版延期到月底...
隻Q版C.C. 見插得咁慘咪入一隻~
基本上笨大成條Q版系列都係插水貨~
至於隻ROBOT魂BLAZE RAVEN見有特賣~
而作為新作主角機~
外型有D似ARX-7又用日本刀~
咁應該會幾好玩~
事實証明本人大錯特錯...
首先佢既膝蓋甲侑D就跌~
加上關節又鬆~武器又只得一把刀...
真係好難擺POSE...
最後就係本人第2隻超合金AEGIS~
由於第1隻一開盒D電鍍件已經氧化...
今次見有特價咪入多隻~
好在今次呢隻D電鍍件無問題~
本人可不想同一款AEGIS買3隻~
發佈者：
NikeGW
標籤：
敗家
首先隻FIGMA天城雪子一如所料地插水~
不過本人呢次買早咗~
買完先知通街都賣緊同樣價錢...
至於SHF RIDER W係早前預訂既~
好在半年前見到有人話有得訂~
估唔到宜家連再版貨都有得炒...
而隻山口式拳四郞見一舊水有找~
平平地但比想像中好玩~
最後壓軸就係COD9!
由於之前有訂到所以送埋對小喇叭~
今集STORY MODE劇情非常掂!
比起上集BLACK OPS更出色!
不過可惜MULTI PLAY既SERVER設計奇差~
唔知今集捱唔捱一年...
發佈者：
NikeGW
標籤：
敗家
HALO系列終於推出正式續作~
等咗5年終於可以用返士官長啦!
至於前傳REACH中先出現既跑步同盔甲技能~
作為系列主角理所當然地亦都擁有~
而今次HALO4作為新三部曲既第一作~
自然有新敵人同新武器~
不過今集劇情長度比起以往都短~
但長度算尚可接受~
所以有望1 WEEK內解決到~
咁下WEEK可以安心迎接COD BO2!
由於果日出去無咩好買~
咪順手入咗隻FW鐵球同LEGO人仔~
發佈者：
NikeGW
標籤：
敗家
隻雪初音齊件後當然要開封影相~
今次隻雪初音個造型絕對係掂!
果三塊臉都算好有特色~
不過送D PARTS就唔算多~
除咗個發光地台外其它都算一般~
同埋個發光地台既SIZE比想像中細~
所以放唔到三隻Q版上去...
至於PARTS不足既問題~
好在之前初音HMO VER有大量配件跟~
再加埋隻樣衰初音~
咁就齊人可以玩初音BAND友啦~
發佈者：
NikeGW
標籤：
攝影
Q版雪初音的補件到貨啦~
咁之前隻雪初音終於可以開箱影相~
可惜SHF秋葉紅係預訂優先無現貨賣~
無野好買之下咪唯有入隻LEGO人仔~
而為免畫面空虛順手拎埋盒雪初音一齊影~
發佈者：
NikeGW
標籤：
敗家
早2日見FB有講山口式大特價~
點知出到去現貨一早俾人清晒~
要等月尾再返貨~即係等於無行~
之後去另一間既大特價時已經太遲~
D好野全部被人清晒~又白行一趟...
見FIGMA天城雪子出咗~
拎上手望2眼覺得質數同之前隻千枝差唔多~
即係價格會有下調空間~
就放返低決定等佢插水~
反而見到Q版雪子個價順返少少就即刻入手~
發佈者：
NikeGW
標籤：
敗家
首先隻夜空唔算係差~
QC今次不俗~還原度都算高~就係造型一般~
只可以講隻肉實在造得太正~
相較之下隻夜空就顯得黯然失色...
不過基於要拍返埋隻肉影相~
但附送個座一樣都係好流...
好在張梳化重塞得晒2件~
咁樣一齊影既效果都算唔錯~
果然夜空要有星奈拍住先得~
所以上次買咗之前隻肉今次隻夜空都走唔甩架~
至於鳥籠中的少女當初無抱太大期望~
但見其本體算PVC中少見既倒吊方式~
同時廠商好有心思咁將外盒化作鳥籠~
不過本人無CPL之下其膠片鳥籠變得難以攝影~
而淨掛本體就略嫌有D單調...
好在拎貨時店主有搭多2條草落去~
加咗2條草後完全變咗2回事~
令人有種眼前一亮的感覺!
加上淨係玩SET草都可以玩好耐~
本人重要影完執相時唔滿意決定再重新SET過!
好在最後出黎既效果都尚算滿意~
不過要改名叫做森林中的少女~
發佈者：
NikeGW
標籤：
攝影
