2011年12月29日星期四
於
下午10:15
|
早一個月前去訂既PSV終於到手!
由於貪小便宜既關係~
被騙去HMV排足3HR之餘重要硬食贈品...
先講部PSV先~
一如所料係無咩SOFTWARE SUPPORT~
再加上百無既港版PSN...
所以部機現階段可以話無野好玩~
而且連同SONY特色~
頭水無好野同越UPDATE越衰~
至今部機已經HANG過幾次~
因此暫時唔好妄想部PSV可以取代到IPAD~
至於隻UNCHARTED~
雖然達唔到PS3級別的畫面~
但已經跑贏現今所有手提機!
動作部份可以話重現返PS3上的感覺~
加上有TOUCH SCREEN輔助~
方便新手輕鬆上手~
問題在於槍戰~
由於右邊粒STRICK的操控遠遠比唔PS3上的精細~
所以不論本人點SET都瞄唔準敵人~
未知係咪機體上的缺憾定GAME的問題~
但咁落去令人憂慮其他FPS上的操控感...
好在槍戰部份的難度無PS3咁高~
而今集既謎題可以講係歴代最易~
純為SHOW PSV既FUNCTION而設~
再者2週目開始謎題毋須再解~
慳返唔少時間!
最後~唯一不滿係無MULTI MODE...
純單機GAME注定好難逃插水既命運~
但以PSV眾多首發中本GAME絕對係壓軸大作~
有PSV既人都理應玩一玩~
黎感受一下何謂次世代的手提遊戲機!
前排睇完套FRONT MISSION漫畫勁正
放工又見隻NDS復刻版平平地就掃咗
再玩多次第一集都係唔多BUY...
大慨我只適合玩機戰呢D簡單SLG~
D OPTION一多就無MOOD~
下次再試埋隻360既FRONT MISSION先!
由PS2時代既邪神版開始一直都想買隻KOS-MOS返黎~
事隔多年終於買到隻可動版KOS-MOS返黎~
今次隻ALMECHA版既KOS-MOS比起同期既FIGMA版大上1個碼~
而且用料質數都達到PVC級別~
加上由ALTER操刀QC比起MF更好~
不過唔知點解都難逃插水既命運...
反而FIGMA版個價重KEEP到~
出現咗明明定價相差一倍但現在價格相同既奇事~
基於聖誕節接咗單JOB~
所以一定要係全年最貴既時候買閃光燈~
又咁唔好彩百老匯竟然取消優惠改用正價發售~
明明早1WEEK先賣$2450~
年頭更只賣$2000...
宜家同我講賣$2990!!!
好在重有舖賣$2500~
早2年買果枝閃燈因為全手動以致唔識用~
而今次枝58神燈亦因為全自動以致唔識用...
今轉輪到掃限定FIGMA~
隻AEGIS重裝Ver係WF慢貨~
所以慢幾個月平幾十~
順手訂埋超合金AEGIS件重甲~
魂SHOP限定呢幾個字真係勁昆水~
一件甲一件頭盔加埋個座咁就食你2舊幾~
人地FIGMA限定都有埋BODY同新臉俾你啦~
但之前落咗搭又無理由唔買...
之後見隻伊吹萃香平返幾十~
為咗入面隻縮小版萃香~
咁又無咗4舊...
接住上輪今次繼續掃Q版~
首先係等咗好耐既Q版寧芙~
首日推出已有SHOP怒插2成拋售~
但可惜我一早已用正價訂咗...
咁唯有搵隻插水價伊卡洛斯溝淡佢~
D Q版隻隻都咁插水法真係好難訂得落手~
但又唔知下次到邊隻會缺貨...
認真頭痕!
最後等到平版既超合金AEGIS~
計落只係比FIGMA版貴多幾十~
認真抵玩!
2011年11月21日星期一
於
下午7:57
|
COD老兵模式難度每况越下~
繼MW2後今集又再霸佔歴代最易稱號!
老兵模式全程只需7小時~
途中基本上無咩難點~
係最後一版出咗倒數後果PART要花多D時間~
而SPECIAL OPS中既MISSIONS MODE相比起MW2易咗好多~
除咗果幾版有時間限制既關卡難度較高外~
其他對實YOUTUBE D片跟住慢慢打都OK~
加上雙人玩MISSIONS時重可以互救~
難度即時減少一大半!
至於新增既SURVIVAL MODE相當有趣~
對比起兩野死既喪屍MODE~
呢次既SURVIVAL MODE易上手好多~
16張地圖一共分為4種難度~
玩過後你會發現對戰時差勁既地圖設計~
係SURVIVAL MODE中突然大返身~
對戰時既障礙突然成為持久戰中既伙伴!
基於地圖設計成左穿右插既關係~
走位拉怪變得異常輕鬆~
死守不果時可以即時較腳走人!
全地圖打到15波主要係需時較長~
平均每版需時半小時多~
基本上玩得多自然知道打法!
2011年11月18日星期五
於
下午2:26
|
繼上一次買Q版送書後~
今次主打係機動戰艦既星野琉璃~
由於已經係十幾年前既作品~
產品少不在話下重要高質素既更難搵~
但本人比起TV版更喜歡MOVIE版既造型~
希望下次出埋MOVIE版造型就最好~
不過呢本書咁樣搵返D舊作黎做專題都幾好~
擺明搵D老鬼FANS笨~
但如果唔跟埋隻Q版我諗真係搵鬼買...
2011年11月12日星期六
於
下午3:56
|
礙於只得1 WEEK時間關係~
BF3 MULTI MODE只趕得切清全勳帶~
45LV同CO-OP既成就尚需要多點時間完成~
今集全勳帶比BC2難但比BC1易~
本集既勳帶對比起BC2既基本上一樣~
但問題在於有幾個判定唔同咗~
其中有2個勳帶曾經認為無可能搞得掂~
重一度放棄過~
好在最後有幸解決~
因而在此分享一下心得~
第一難點~空戰勳帶~
一局內用飛行載具殺6人~
飛行載具指飛機~戰鬥直升機同偵察直升機~
運輸直升機不在此列!
因此係運輸直升機上用重機殺人呢招唔再WORK...
對本人呢D飛機白痴好大影響~
首先飛機忽略~
連熱誘彈都無既飛機只係一個標靶~
其次係戰鬥直升機上做炮手~
但好機師可遇不可求...
最後決定用偵察直升機食自已~
首先要係CONQUEST度用直升機搶POINT~
有200分之餘可以練習吓直升機既操縱方法~
簡單D講渣直升機開頭不能操之過急~
慢慢轉方向同降落就OK~
咁樣練到出熱導引飛彈就最好~
唔係至少都要有熱誘彈~
OK後可以準備一下目標~
飛機既運動性太高唔易打~
戰鬥直升機有炮手輔助亦好易中招~
因此最好搵返偵察直升機打~
至於地面上既載具同人無咩事唔好打~
因為打地面上一定要機頭向下~
而新手(本人)多數轉向太急以至控制唔到而墜機...
所以推介場地為CONQUEST既運河~
全場只有偵察直升機無對空坦克~
打法為先LOCK實對手後連射2發飛彈~
好彩2發都全中對方就即時收皮~
至少打中1發後再衝向敵人用機槍追住掃射~
此方法雖然簡單但好用!
我用呢招同一位直升機好手一局內6戰3勝2敗1平手~
第二難點~M-COM防衛者勳帶~
一局內防守4個M-COM~
即係防守時係M-COM附近殺4人~
此外重有2個條件~
該敵人要係M-COM範圍幾個身位內~
重要係敵人SET好彈前殺死佢~
亦即M-COM著燈後殺佢唔計~
因此可以判定為係敵人SET緊彈時為最好殺敵時機~
加上今集SET彈時間大減~
唔係專業CAMPER都幾難達成此勳帶~
好在上網見人講咗個絕世CAMP位~
推介場地為RUSH既火線風暴行動~
首先A POINT既錬油廠2至3樓有條梯既位置剛好睇到M-COM~
就算未殺夠4隻~
下一個B POINT既2樓窗口亦對住樓下既M-COM~
有呢2個POINT CAMP足4隻既難度大減~
2011年最後既重頭戲!COD MW3~
作為MW系列三部曲既終章~
結局埋得算唔錯~
劇情比起同期既GOW3和BF3好~
而SPECIAL OPS中既MISSIONS MODE~
一如上代咁都好有挑戰性~
新增既SURVIVAL MODE亦即係持久戰~
玩落去都幾有趣吓~
至少唔係我最憎既喪屍MODE~
全隻GAME整體上都KEEP住水平~除咗MULTI MODE...
首先SEARCHING ENGINE差~
有咩理由PS3版SEARCH得到鬼佬而360版可以乜都SEARCH唔到~
其次地圖設計更差~
整個地圖設計成勁多2樓~窗口~轉角~
連平地都要加多幾件障礙物黎阻街...
加上動作節奏比COD7慢~
偏偏D人血少易死而且場地又細復活點更亂...
而且大部份場開場10秒內即見敵人~
總結以上幾點今代只係比CAMP西玩既..
未知系咪期待越大失望越大~
全成就後我可能會回歸BF3~
唔知係咪近年尾D舖頭要減價清貨~
近期D插水貨都唔少~
其中以FIGMA同Q版特別多~
所以一見靚價就掃咗3隻Q版~
首先隻Q版托托莉係高價後追既~
如果一早買就唔洗俾多幾十添...
隻Q版小南雖然預咗會插水~
但無諗過可以咁快同咁平~
至於Q版伊姆卡個價比出面既插水價更低!
最後見隻SHF RIDER W XTREME幾平吓~
咪順手買黎襯返架電單車~
由於呢期怒煲BF3~
所以完全無時間UPDATE個BLOG...
講返正題~
雖然BETA時已怒屌過隻GAME~
不過容許本人再屌多次隻GAME~
主要問題在於本GAME D重要裝備都要升夠尼先有~
D鎗既PARTS又跟COD咁要逐枝開...
所以開頭咩都無一定會俾人恰~
而且單拖絕對無運行...
好在玩耐咗上手後都叫K/D KEEP住正數~
不過今次只得1WEEK解決唔到隻BF3...
套爛盒LUCKY STAR雖然貌似俾人開過~
不過價錢實在太平就算鬼數鳥~
Q版黑貓再販插水所以又幫FRD買返隻~
隻HD BIOHAZARD見2舊有找又順手買埋~
之後D HD REMAKE都係咁既價就買得過~
最後散入件舊相機+FLASH~
咁相機扭旦就齊SET啦!
2011年10月27日星期四
於
下午5:22
|
由於對GOW3全成就絕望因此放棄咗~
而KILLZONE3又搵唔到靚價買~
再者離BF3推出重有成WEEK~
所以就搵隻刺客2代黎返炒吓~
今代相比上代真係進步好大~
終於唔係好似上集咁煩~
清夠幾個支線任務後先有一個刺殺任務~
刺殺完返城吹水後又到下一個...
咁樣LOOP足9次...
由於之前最令人嘔血旗收集無咗~
因此其他成就向收集可以用輕鬆黎形容~
只用咗1 WEEK就全成就啦!
啱啱趕得切係BF3出前一日全成就~
2011年10月21日星期五
於
下午12:00
|
今次又唔信邪買咗隻極魂暗黑騎士KIBA~
由於呢隻身為極魂牙狼第4作~
所以之前果幾隻牙狼既關節問題基本上解決咗~
頭部終於可以向上向下望~
而且雙手關節都有齊~
係D關節有少少鬆~
不過企係度都無問題~
再者上色大部份都好準確~
唔似絕狼果D上色上到出晒界~
整體黎講隻暗黑騎士係相當不錯~
上色精確之餘細節都有齊~
唯一問題係我又中SAD貨...
今次出事既係雙左上臂...
重要呢次個肩甲係連住上臂~
唔同劍果次可以調轉了事~
轉完重要將肩甲關節移去另一面...
因此極魂牙狼系列買3隻就中3次招~
SAD貨比率百份百...
早知用呢3隻既錢黎買SHF牙狼算鬼數!
另外見FIGMA新出果隻小褲褲魔女個價OK~
咪順手買黎玩吓手~
2011年10月20日星期四
於
下午3:24
|
今次戰利品係JOJO一番獎D賞~
賭徒達比既SECURITY SEAL啤牌同籌碼~
幅啤牌外盒同原著一模一樣~
同時啤牌既質地係好靚~
而且有幾張牌既圖案係重新畫過~
不過呢幅牌應該唔會拎黎用~
因為隻葵扇A(THE WORLD)全黑好易認...
至於籌碼分別有3款~
喬瑟夫·喬斯達同波魯那雷夫各6個既靈魂籌碼!
再加6個空白籌碼~
可惜D籌碼既質地麻麻地...
對比起啤牌既高質素顯得有點可惜~
但D靈魂籌碼真係跟返原著一樣刻咗個樣上去~非常有趣!
所以一次入咗2盒黎觀賞用同收藏用~
2011年10月18日星期二
於
上午3:07
|
近期扭旦中最HIT應該係呢套相機扭旦~
雖然係HK DESIGN但非常搶手~
我要行足幾間先揾到有得扭既~
順便揾返早排雜誌送既EPL比較吓~
兩者SIZE差唔大~
但EPL明顯係官方加持下~
上色細節完勝扭旦~
不過~論可玩性扭旦反勝一仗~
好似當初扭中件DV想叫回水時~
先發現DV枝鏡可以插返上部DSLR!
而且大炮~FLASH~腳架~相機袋等應有既都有~
前提係你有齊一SET...
係反叛的魯路修衆多女角中~
本人最喜歡既就係被稱為灰色魔女C.C.~
而C.C.既周邊玩具數量不多但質素參疵~
暫時就得呢隻C.C.浴衣VER滿足到本人要求~
呢次隻C.C.面相算不俗~並無嚴重走樣~
而且手腳髮尾呢D細節都做得好仔細~
又本人最滿意呢點~
好似上次隻C.C.水着VER既敗筆就在於細節還原度不高~
當然呢隻FIGURE亦有缺點存在~
首先基於原畫問題~
隻FIGURE算係角度限定既~
同時亦有少量分模線處理不當~
其中最嚴重既係左手手腕同前臂粗幼不一~
好在角度關係未算顯眼~
但呢隻浴衣VER只要百零蚊的價格同時擁有近PVC既質素~
絕對比果幾隻要成六七百蚊既一番獎抵玩好多~
為準備渡過假期而出MK~
今次打算買隻KILLZONE3返黎玩吓~
點知MK離譜地多人~
重要去到先知KILLZONE3賣晒...
攪到本人既如意算盤亂晒~
好在當日終見C.C.浴衣VER真面目~
見實物相當OK後購入~
最後應好友要求貼上本人狗窩...應該係攝影棚先啱~
行MK見到有好價既Q版BGM SET~
其中只為咗要隻上杉謙信~
同時重有D一舊水FIGMA賣~
好明顯都係之前葵芳開倉後既貨尾~
一早知果次就唔洗晒時間去個ON9開倉~
繼貨尾後到死貨~
呢2隻GAME同為tri-Ace推出~
首先係PSP版VALKYRIE PROFILE~
為PS上既經典ARPG唔洗我多提~
之後就係RADIATA STORIES~
人稱凡人物語~
係本人少數PS2上爆機既RPG之一~
想當年本人極沉迷此GAME~
日以繼夜廢寢忘餐咁玩~
其中最BUY係既177名同伴數目!
比幻想水滸傳既108名更多~
但可惜銷量不理想~
系列化無望...
早排玩亞洲有全機種LEGO STARWAR3特賣~
又本人一向有儲開LEGO系列當然入返隻XBOX版~
至於件巡音吊飾係為慳果十幾蚊運費所以比多幾十蚊買既~
感覺上又着咗玩亞洲的道...
萬眾期待既GOW3終於出爐啦~
本作亦不負本人既期望非常爽快~
已致整整一週過住只有GOW既日子~
大半成就都已解除~
唯一問題係SERIOUS 3.0呢個成就~
要LV100+65個黑甲勛章~
今集睇黎全成就無望...
而果日最後都係忍唔到手買埋隻梅露露的工作室~
理所當然地隻GAME到宜家重係封印中~
希望邊日得閒可以白金晒2作鍊金術士啦~
歷時2年終於完成此GAME~
想當初重以為會重蹈FORZA2的覆轍~
買完玩2野就封印...
但由於有痛車呢個賣點~
再加上有朋友相助~
一路重覆無錢>賽車賺錢>買痛車>無錢呢個LOOP~
斷斷續續咁磨咗成年~
尤其後期D賽事一場要揸差唔多成半HR~
如果無AUTO PILOT真係揸到手軟...
為紀念全成就CLEAR特此貼上本人愛車圖一幅~
繼完成UNCHARTED的白金杯之後~
UNCHARTED2的白金杯都順利完成~
不愧為白金推介!
亦令本人成為UNCHARTED系列FANS~
不過本作另外有DLC果堆ONLINE獎杯~
所以今次100%無望...
而果堆ONLINE獎杯就要睇吓邊日心血來潮~
始終無人幫助下拎ONLINE獎杯所需時間太長...
目標本月20號前拎多個白金杯!
官網:http://www.sonystyle.com.hk/ss/product/ps3/bcas_20024_e.jsp
本系列被喻為PS3招牌作之一!
初代已經奠定好一條必勝方程式 :
緊湊的劇情+火爆的動作場面+適量的解謎奪寶+槍戰=UNCHARTED
其中我最欣賞當中跳躍動作位置判定要求較低~
但跳的方向則要人思考一下~
而系列唯一缺憾係槍戰身上~
相對爽快既動作場面~
槍戰方面只可以評為梗梗合格~
個掩護系統都係比唔上GOW既一氣呵成...
由於本人係玩完2代先後返追1代~
所以1代有唔少不滿都係基於2代的改進~
例如人物的臉部建模較差~
醜到連母親大人問個主角係咪機械人黎...
之後收集用既寶藏有點馬虎了事~
相對數量較少之餘有D用金同銀分開當2件...
重有就係架水上電單車超唔好揸~
尤其後面逆流而上果PART好鬼難揸~
好在2代已CANCEL駕駛呢PART~
白金盃方面難點在於CLEAR慘烈超難模式~
在此難度下主角中多過3槍就死...
而且慘烈超難要CLEAR困難模式後先出現~
所以拎白金杯至少要2週目~
由於開始掌握返點用個PS手制~
再加上清困難時已知道D通關難點係邊度~
又其中有幾個難點有BUG技用~
如下水道BUG~直奔圖書館等~
所以我覺得初代並沒有其他人講得咁難打~
其中過版要訣為一個字~縮!
可以縮到有幾後得幾後~
之後再慢慢引出敵人逐個殺~
好在本作的CHECK POINT尚算密~
好多時死咗都唔洗從頭打起~
另外就係武器的掌握~
首先要理解全GAME最有用的殺人武器係手槍~
由於本作基本上人型敵人為主~
同時BOSS又只得一個~
因此大部份敵人都可以用手槍一槍爆頭死~
所以係子彈量短缺既慘烈超難下~
手槍絕對係壓箱寶~
開頭有既PM手槍已非常好用~
而後期出黎既92FS更加好~
彈夾較大擕帶量又高~
簡直就係居家旅行殺人滅口必備武器!
至少其他手槍基於子彈量問題唔建議KEEP係身...
評分: ★★★★(總體) = ★★★★(優作)
經過2星期的苦戰~
終於完成隻UNCHARTED拎到白金盃~
雖然獎盃系統明顯係改良自XBOX360的成就系統~
但不得不承認獎盃系統比成就系統更完善!
以同一隻GAME計~成就同獎盃大部份都係一樣既~
唯獨是獎杯會多咗個白金獎盃~
而白金盃就只有係拎齊所有其他獎盃(不包括DLC)先拎到~
但並不是所有遊戲都會有白金獎盃拎~
所以簡單D講拎到白金盃就代表你係隻GAME拎到1000成就咁~
由於萬惡既DLC經常令成就上限提高~
以至全成就需要KEEP住俾錢同時間...
就以本人打COD7為例~
一開波拎齊1000成就無耐後就出DLC1~
清完DLC1又到DLC2出~
而本人亦再頂唔順喪屍MODE D痴線成就~
所以計落本人最後COD7只得1150/1700成就...
但白金盃完全解決無限DLC既問題~
因為不論有幾多個DLC出~
白金盃一隻GAME只得一個!
所以又用返COD7黎計~
我係變咗會有一隻白金盃加若干喪屍獎盃~
就咁睇落去順眼幾多!
當然呢D小事對果D出幾多DLC就打幾多成就返黎既強者係無影響啦~
至少我FRIEND LIST上正正有一名咁樣做既逆天強者!
呢隻FIGMA初音APPEND VER不枉我期待咗咁耐~
雖然QC質數未算最好~
但本人認為佢係我手頭上咁多隻FIGMA中整體評價最好既一隻!
附送既PART未算太多~但已有足夠零件換作PVC版既POSE~
可惜FIGMA版唔連個座...
今次D頭髮的還原程度非常高~
而其髮尾的細緻飄逸亦比美PVC版~
不愧為FIGMA中集大乘之作!
係近期海量既FIGMA中俾到本人一個眼前一亮既感覺~
總括黎講~呢隻FIGMA擁有直逼PVC級的質數呀!
FIGMA初音APPEND VER成功入手!
網上一有消息即出去撲~
出到去見浄得有貴價水貨賣~
由於太期待呢隻野所以唔鬼等行貨~
雖然俾人坐地起價但絕對物有所值!
遲D如果有蟹貨應該會入多隻做BACKUP!
隔日就約咗人交收GAME~
就係我買PS3的原點~
托托莉的工作室!
由未出時已一直想買好耐~
當時諗住無理由為一隻GAME買機~
但宜家買機後想搵返時個價都幾貴吓~
點知早2日網上見賣超平重要係全新添~
就算果陣打緊COD都要停一ROUND黎SEND EMAIL~
雖然諗有無咁大隻蛤乸隨街跳~
好在之後都順利交收~
交收完去埋SSP拎網購既PS3配件~
個PS2手制轉換器又真係用到係部PS3上~
係少咗個PS按鈕出唔到GAME...
最後掃埋隻死貨太保煞星~
|
My 360 Game Tag
My PS3 Game Tag
Blog內搜尋
|
